Այցելելու է Թուրքիա` հակահրթիռային համակարգերի տեղակայման հարցեր քննարկելու

Ռուսաստանի նախագահ Դմիտրի Մեդվեդեւը ծրագրում է այցելել Թուրքիա` հակահրթիռային համակարգերի տեղակայման հարցեր քննարկելու:

Ինչպես տեղեկացնում է թուրքական TRT հեռուստաալիքը, այդ մասին Անկարայում կայացած մամուլի ասուլիսում հայտարարել է ՆԱՏՕ-ում ՌԴ մշտական ներկայացուցիչ Դմիտրի Ռոգոզինը:

«Թուրքիան տարածաշրջանում առաջատար երկիր է, ՆԱՏՕ-ի կարեւոր դաշնակից եւ մեր ռազմավարական գործընկերը»,- ասել է նա: Ռոգոզինի խոսքերով` հակահրթիռային համակարգերի տեղակայման հարցերում Թուրքիայի վերաբերմունքը շատ կարեւոր է:

«Հոլիվուդյան ոճով Իրանին հրեշ դարձնելու փորձերը ոչ մի ընդհանրություն չունեն իրական վիճակի հետ: Մենք հանդես ենք գալիս Սեւ ծովում օտարերկրյա նավերի ներկայության դեմ»,- նշել է նա: