Արցախի հողի վրա՝ ՄԵԾԱՐԳՈ ՆԱԽԱԳԱՀ, ՀՀ-ում՝ ԱՐՑԱԽԻ ԸՆՏՐՎԱԾ ՆԵՐԿԱՅԱՑՈՒՑԻՉ. սրբագրելի վրիպակ

«Արևմտահայոց հարցերի ուսումնասիրության կենտրոն» գիտահետազոտական հիմնադրամի տնօրեն Հայկազուն Ալվրցյանը գրում է.

«ՍՐԲԱԳՐԵԼԻ ՎՐԻՊԱԿ

Հիշու՞մ եք՝ ինչպես պարսից Շապուհ արքան Հայոց Արշակ թագավորին հրավիրեց Տիզբոն և որոշեց ստուգել նրա տրամադրություններն ու վերաբերմունքն իր նկատմամբ։ Հայաստանից հող բերել տվեց և սրահի կեսը ծածկեց այդ հողով և այն ցողեց Հայաստանից բերված ջրով։ Երբ Արշակի հետ թևանցուկ քայլում էր պարսից հատվածում, վերջինս խեղճանում էր, հնազանդություն ցույց տալիս և երդվում հավատարմորեն ծառայել Շապուհին։

Երբ քայլում էին հայկական հող ու ջրով ծածկված հատվածում, Արշակը վիրավարական և ստորացուցիչ խոսքեր էր ասում Շապուհին, կասկածի տակ դնում նրա արքայական ծագումը և սպառնում նրան պատժել։

Այս մասին հիշեցի գրեթե առանց պատճառի, գրեթե հենց այնպես, եթե չլիներ Ստեփանակերտում Ն․ Փաշինյանի երեկվա խոսքը՝ ուղղված Արցախի ՄԵԾԱՐԳՈ ՆԱԽԱԳԱՀԻՆ։

Կարծում եմ՝ շփոթմունք էր, և Հայաստանի Հանրապետություն վերադառնալով՝ անհապաղ կսրբագրի Արցախի ԸՆՏՐՎԱԾ ՆԵԵՐԿԱՅԱՑՈՒՑՉԻ հասցեին թույլ տված վրիպակը»։