Լուկաշենկոն ՌԴ-ին կոչ է արել՝ իջեցնել գազի գինը Մինսկի համար

Բելառուսի նախագահ Ալեքսանդր Լուկաշենկոն հայտարարել է, որ Ռուսաստանը պետք է նվազեցնի գազի գինը Մինսկի համար, քանզի երկիրն ավելի շատ է վճարում, քան Եվրոպան. հայտնում է «ՌԻԱ Նովոստին»։

Ըստ Լուկաշենկոյի՝ այս «ոչ դյուրին ժամանակներում» Ռուսաստանը Եվրոպային վաճառում է բնական գազ՝ 65-70 դոլարով։

«75-րդ տարեդարձին (Հայրենական պատերազմի հաղթանակի) ՌԴ-ն Գերմանիային վաճառում է 70 դոլարով, իսկ մեզ 127 դոլարով», - նշել է Լուկաշենկոն։

Բելառուս նախագահը ամիսներ առաջ հայտարարել էր, որ հաշվի առնելով լոգիստիկան, ռուսական գազը պետք է արժենա 40-45 դոլար հազար խորանարդի համար։

ՌԴ ԱԳՆ ղեկավար Սերգեյ Լավրովը ապրիլի վերջին հայտարարել էր, որ երբ այդ պայմանագրերը կնքվում էր, շուկայական գներն այլ էին։