ՌԴ-ն Հայաստանի համար 24 դոլարով իջեցնում է գազի գինը. սպառողի համար գազի գինը չի իջնի

Հայտնի է, որ երեկ Հայաստանի ու Ռուսաստանի էներգետիկայի նախարարությունների միջև համաձայնագիր է ստորագրվել, որով Ռուսաստանը Հայաստանի համար գազի գինն իջեցնում է 24 ԱՄՆ դոլարով` 189 դոլարից հասցնելով 165 դոլարի` 1000 խ/մ-ի համար: Ըստ այդմ` Հայաստանը Ռուսաստանից նոր գնով գազ կգնի 2015 թվականի դեկտեմբերի 31-ից:

Yerkir.am-ի հետ զրույցում «Գազպրոմ-Արմենիա»-ի մամուլի քարտուղար Շուշան Սարդարյանն ասաց. «Դա չի անդրադառնալու ներքին սպառման շուկայում վերջնական սակագնի վրա, դա պայմանավորված է բազմաթիվ գործոններով»:

Մեր զրուցակիցը հրաժարվեց մանրամասն պարզաբանել` ասելով, որ «Գազպրոմ-Արմենիա»-ի տնօրենը երեկ այդ թեմայով հարցազրույց է տվել Голос Армении թերթին: