Հունաստանը չի վախենում Թուրքիայից. Հունաստանի ԱԳՆ փոխնախարար

Մենք կոչ ենք անում ԵՄ-ին ցույց տալ Թուրքիային, որ իր սադրիչ գործողություններով չի կարող ներդրում ունենալ ԵՄ-ի հետ հարաբերություններում, իսկ միջազգային նորմերի խախտումը հետևանքներ կունենա. այս մասին հայտարարել է Հունաստանի ԱԳՆ փոխնախարար Միլտիադիս Վարվիցիոտիսը։

Հունական լրատվամիջոցին տված հարցազրույցում Վարվիցիոտիսն առաջարկում է Թուրքիային հստակ մեսիջներ ուղարկել, որ Եվրոպան վերջապես փոխում է իր դիրքորոշումը։

Ըստ փոխնախարարի՝ Թուրքիան շարունակում է տարածաշրջանում իրեն դրսևորել որպես ապստամբ. «Մեր հարևանները պետք է իմանան, որ կրակոցների և սպառնալից հռետորաբանության քաղաքականությունը չի կարող օգնել ընդհանուր ջանքերին՝ երկու երկրների հետագա հարաբերությունների բարելավման համար»։

Նա նաև հավելեց, որ հունական կառավարությունը կարող է ցանկացած ժամանակ օգտագործել իր դիվանագիտական զենքը Թուրքիայի ցանկացած մարտահրավերներին դիմակայելու համար. «Մենք չենք վախենում, մենք միշտ պատասխանում ենք «զենքով» մեր իրավունքների դեմ սպառնալիքների ժամանակ», - եզրափակեց Վարվիվիոտիսը։