Իսրայելում թուլացվում են կարանտինային սահմանափակումները. «Վեդոմոստի»

Իսրայելի կառավարությունը մայիսի 7-ից մեղմացրել է կարանտինային սահմանափակումների որոշ մասը. այս մասին գրում է «Վեդոմոստի»-ն՝ նշելով, որ իրենց աշխատանքը վերսկսել են առևտրի կենտրոնները, շուկաներ ու մարզասրահները. հայտնում է Yerkir.am-ը։

Միևնույն ժամանակ բացվում են նաև բացօթյա շուկաները, իսկ փակ տարածքներով առևտրի կենտրոններն ու մարզասրահները պետք է պահպանեն անվտանգության կանոնները: Մասնավորապես, փակ տարածքում յուրաքանաչյուր 20 քմ տարածքի համար պետք է մեկ մարդ լինի, անհրաժեշտ է պահպանել 2 մետր սոցիալական հեռավորություն, ինչպես նաև կատարել սանիտարահիգիենիկ խիստ միջոցառումներ: Հանվում են նաև բացօթյա տարածքում աղոթքների հետ կապված սահմանափակումները, իսկ լողափեր թույլատրվում է գնալ միայն սպորտով զբաղվելու նպատակով:

Հիշեցնենք՝ Իսրայելում կորոնավիրուսով վարակվածության առաջին դեպքը գրանցվել է փետրվարի 27-ին:Մայիսի 6-ի տվյալներով՝ երկրում վիրուսով է վարակվել 16. 314 մարդ, որից 10.527-ն առողջացել է, իսկ 238-ը՝ մահացել: