Վրաստան վերադարձած բոլոր քաղաքացիները կտեղափոխվեն կարանտինային գոտի

Վրաստան վերադարձած բոլոր քաղաքացիները կտեղափոխվեն կարանտինային գոտի: Այս մասին հայտարարել է Վրաստանի վարչապետի մամուլի խոսնակ Իրակլի Չիքովանին՝ կորոնավիրուսի հարցով ստեղծված համակարգող խորհրդի նիստի ավարտին:

Մարտի 21-ից ամբողջովին կդադարեցվեն բոլոր ավիաչվերթները:

«Կայացվել է որոշում, որ վաղվանից ամբողջովին դադարեցվում են ավիաչվերթները և իրականացվելու են միայն այն ավիաչվերթները, որոնք կատարում է Վրաստանի ավիաուղիները և համակարգված են Վրաստանի կառավարության հետ:

Կայացվել է որոշում, որ անկախ այն բանից, թե որ երկրից են վերադառնում Վրաստանի քաղաքացիները հայրենիք, նրանք անմիջապես կտեղափոխվեն կարանտինային գոտի և կլինեն բժիշկների վերահսկողության ներքո»,- հայտարարել է Վրաստանի վարչապետի մամուլի խոսնակը: