Կարանտինային միջոցառումներ Ջավախքում

Չնայած Ջավախքում այս պահին կորոնավիրուսի դեպքեր չեն գրանցվել, սակայն կիրառվում են կարանտինային միջոցառումներ, որոնց նպատակն է թույլ չտալ վիրուսի հնարավոր տարածումը. գրում է Ջավախք Մեդիան:

Սա առաջին հերթին վերաբերվում է պետական սահմանները հատած, այլ պետությունից ժամանած անձանց ինքնամեկուսացմանը:

Ընդ որում այս միջոցառումը կիրառվում է անկախ այն բանից թե տվյալ պետությունում գրանցված է արդյոք կորոնավիրուսի դեպք: Ախալցխայում ինքնամեկուսացված են 18 անձ, Ասպինձայում՝ 4 անձ, Նինոծմինդայում՝ 4 անձ, Ադիգենում՝ 2 անձ: Ախալքալաքում եւ Ծալկայում նման դեպքեր չկան:

Հիվանդությունների ազգային կենտրոնի Սամցխե-Ջավախքի բաժանմունքի ղեկավարի խոսքով, օտար պետություններից եկած անձինք ինքնամեկուսացման օրենքները չեն խախտել: