ՏԵՍԱՆՅՈՒԹ․ 0-ական մաքսատուրքով ներմուծվող ապրանքների ցանկն ընդլայնվել է․ Վարոս Սիմոնյան

Բժշկական նշանակության որոշ ապրանքների ներմուծման մաքսատուրքերը ԵԱՏՄ տարածքում զրոյացվել էին մարտի 16-ից․ ցանկն ընդլայնվել է և ներառել նաև դեղորայքի արտադրության մեջ կիրառվող նյութերը՝ ըստ Yerkir.am-ի ասաց ՀՀ էկոնոմիկայի նախարարի տեղակալ Վարոս Սիմոնյանը մամուլի ասուլիսում։

Որոշումը և ցանկը տեղադրված են Եվրասիական տնտեսական հանձնաժողովի կայքում։

ՀՀ կառավարության սահմանած՝ եզրակացություն ստանալու կարգը հասանելի է կառավարության կայքում․ ներմուծման համար տնտեսվարողը դիմում-հայտ է ներկայացնում ՀՀ առողջապահության նախարարություն և, դրական եզրակացություն ստանալու դեպքում, ներմուծում է այդ ապրանքները զրոյական մաքսատուրքերով։

Այս իրավահարաբերությունները վերաբերում է մարտի 16-ից մինչև սեպտեմբերի 30-նն ընկած ժամանակահատվածին՝ 6 ամիս։

Եվրասիական տնտեսական հանձնաժողովի կոլեգիայի մեկ այլ որոշմամբ՝ ապրիլի 1-ից մինչև հուլիսի 30-ը՝ 3 ամիս, առաջին անհրաժեշտության պարենային ապրանքատեսակները արտահանելու արգելք է սահմանավել ԵԱՏՄ տարածքց դուրս․ ԵԱՏՄ տարածքում ապրանքաշրջանառությունը թույլատրված է։

ԵԱՏՀ խորհրդի ընդունած՝ ևս մեկ որոշմամբ՝ զգայուն ապրանքների ներմուծման մաքսատուրքերը կզրոյացվեն․ այդ ապրանքների թվում են կարտոֆիլը, սոխը, սխտորը, գազարը և այլն։ Այս կարգը գործում է ապրիլի 1-ից սկսած․ որոշումը շուտով կհրապարակվի։

Անդրադառնալով ՀՀ պարետի որոշմանը՝ Վարոս Սիմոնյանը հիշեցրեց, որ բժշկական նշանակության սարքավորումների, դեղամիջների արտահանումը Հայաստանից արգելված է և դա հնարավոր է միայն գրավոր համաձայնության դեպքում․ այս կարգը պահպանվում է։

Մեկ այլ՝ Իրանի Իսլամական Հանրապետությունից ապրանքների ներմուծումը գործող ցանկով կազմակերպելու սահմանափակումը վերացվել է։ Այս պահին գործում է միայն բժշկական նշանակության ապրանքների արտահանման սահմանափակումը, իսկ մյուս ապրանքների դեպքում տեղափոխումն իրականացվում է հատուկ կարգով՝ փոխաբեռնում է իրականացվում Մեղրիում կամ Ագարակում և տեղափոխվում։ Եթե փոխաբեռնումն անհնար է, գործում է երրորդ միջոցը՝ ապրանքի տեղափոխումը ուղեկցմամբ՝ առողջապահության նախարարության հսկողության ներքո։

Մանրամասն՝ տեսանյութում․