ԵՄ-ն ընդլայնել է պատժամիջոցային ցանկն ընդդեմ Վենեսուելայի

Եվրամիությունն ընդլայնել է Վենեսուելայի համար նախատեսված պատմիջոցային ցուցակը՝ ներառելով այնտեղ 11 պաշտոնյայի, այդ թվում մի քանի պատգամավորների, Խուան Գուաիդոյի գլխավորած ընդդիմությանը հակազդելու, երկրում ժողովրդավարության ու օրենքի գերակայության խարխլմանն ուղղված ջանքերի համար. այս մասին նշվում է ԵՄ խորհրդի տարածած հայտարարությունում։

Այս պահի դրությամբ Վենեսուելայի դեմ սահմանված պատժամիջոցային ցուցակում ընդհանուր 36 անուն է ընդգրկված։ Այդ անձանց նկատմամբ գործում է ԵՄ մուտքի արգելք, եվրոպական բանկերում նրանց հաշիվները սառեցված են։

Նոր պատժամիջոցներն ուժի մեջ կմտնեն այսօր՝ ԵՄ պաշտոնաթերթում հրապարակվելու պահից։