ՏԵՍԱՆՅՈւԹ․ Եվս 1,1 միլիոն դոլար ԱՄՆ-ից ՀՀ-ին՝ կորոնավիրուսի դեմ պայքարի համար

Կորոնավիրուսի դեմ պայքարի համալիր միջոցառումներին աջակցելու նպատակով անցած շաբաթ Հայաստանի համար հավելյալ 1,1 միլիոն դոլար հաստատվեց՝ ի լրումն այն 60 միլիոն դոլարի, որ մեր տարբեր ծրագրերի շրջանակում հաստատված է՝ ըստ Yerkir.am-ի ասաց ՀՀ-ում ԱՄՆ դեսպան Լին Թրեյսին դեսպանատան ֆեյսբուքյան էջի ուղիղ եթերում։

«Այս միջոցները նախատեսված են աջակցելու լաբորատոր աշխատանքերին, կորոնավիրուսի դեպքերի ախտորոշմանը, ինչպես նաև վարակվածների հետ կոնտակտների հետագիծը և շրջանակը պարզելուն, կորոնավիրուսի հետ կապված՝ տեխնիկական այլ հարցերով աջակցելուն»,-ասաց դեսպանը։

Առաջիկա շաբաթներին, նրա խոսքով, սպասվում են նոր մասհանումներ․ «Չգիտեմ, ինչ ծավալների մասին է խոսքը, բայց Վաշինգտոնից սպասվում է այլ աջակցություն»։

Ներկա աջակցությունը դիտարկում են ՀՀ առողջապահական համակարգին ցուցաբերած այլ աջակցության ծրագրերի համատեքստում։ Դեսպանը նշեց, որ վերջին 20 տարում ՀՀ առողջապահական համակարգին ԱՄՆ-ը ուղղել է 106 միլիոն ԱՄՆ դոլարի աջակցություն։

Մանրամասն՝ տեսանյութում․