ՄԱԿ-ը 15 միլիոն դոլար է հատկացրել կորոնավիրուսի դեմ պայքարի նպատակով

ՄԱԿ-ը կորոնավիրուսի դեմ պայքարին 15 մլն դոլար է հատկացրել. գրում է ՌԻԱ «Նովոստի»-ն՝ հումանիտար հարցերով ՄԱԿ-ի գլխավոր քարտուղարի տեղակալ Մարկ Լոուքոքի խոսքերին հղումով. հայտնում է Yerkir.am-ը:

Նշվում է՝ հատկացված գումարն ուղղվելու է վիրուսով հիվանդացության դեպքերի հետազոտմանը, դրա տարածման դինամիկայի ուսումնասիրմանը, ինչպես նաև իրավիճակի հետագա համալիր վերլուծությանը։ Գումարը կփոխանցվի ԱՀԿ և ՅՈՒՆԻՍԵՖ։

«Մենք պետք է հիմա գործենք»,- գրել է նա։

Ըստ վերջին տվյալների՝ աշխարհում կորոնավիրուսից մահացել է 2990 մարդ. վարակվածների թիվը 87 448 է, իսկ առողջացել է 42 669 մարդ:

Yerkir.am-ն ավելի վաղ տեղեկացրել էր, որ չինական Ուհան քաղաքում բռնկված ու ողջ աշխարհում տարածում գտնող անհայտ տիպի կորոնավիրուսով վարակվածների թիվն օր օրի աճում է։ Կորոնավիրուսի բռնկման մասին չինական իշխանությունները ԱՀԿ-ին տեղյակ էին պահել  դեռևս դեկտեմբերին