Տաշքենդում ահաբեկչական խմբավորման ավելի քան 20 անդամ է ձերբակալվել

Ուզբեկստանի իրավապահ մարմինները ձերբակալել են երկրի 21 բնակչի, որոնք կասկածվում են «Քաթիբա Թաուխիդ վալ-Ջիհադ» ահաբեկչական կազմակերպության անդամ լինելու մեջ. գրում է ՌԻԱ «Նովոստի»-ն՝ Տաշքենդի արտաքին գործերի նախարարության գլխավոր վարչության մամուլի ծառայությանը հղումով. հայտնում է Yerkir.am-ը:

«Փետրվարի 19-ին Տաշքենդում չեզոքացվել է «Քաթիբա Թաուխիդ վալ-Ջիհադ» միջազգային ահաբեկչական կազմակերպության կողմնակիցների և անդամների գործունեությունը»,- պարզաբանված է մամուլի ծառայության հաղորդագրության մեջ:

Նախարարության տվյալների համաձայն՝  հարուցված քրեական գործի շրջանակներում մայրաքաղաքի 18 հասցեներում խուզարկություններ են կատարվել, ինչի արդյունքում ձերբակալվել է 21 մարդ, որոնք ընկել են Սիրիայում խմբավորման կազմում գործունեություն ծավալող Ուզբեկստանի քաղաքացու գաղափարական ազդեցության տակ:

Այդ առնչությամբ տարածված հայտարարությունում նշվում է. «Նրանք ծրագրում էին նրան ֆինանսական աջակցություն ցուցաբերել, ուղևորվել այնտեղ և ներգրավվել խմբավորման շարքերում»:

Հավելվում է նաև, որ քրեական հոդվածը մեղադրյալների համար նախատեսում է մինչև 7 տարվա ազատազրկում:

Yerkir.am-ն ավելի վաղ տեղեկացրել էր,որ նախօրեին Ալկմաթիում ահաբեչկության փորձ էր կանխվել: