Երկրաշարժերի պատճառով «Իսլամական պետություն» ահաբեկչական խմբավորման գրոհայինները կարող են ակտիվանալ

Թուրքիայի հարավում և Սիրիայի հյուսիս-արևմուտքում տեղի ունեցած երկրաշարժերը կարող են հանգեցնել «Իսլամական պետություն» ահաբեկչական խմբավորման գրոհայինների ակտիվացմանն այդ շրջաններում։ Այս մասին «Ռիա Նովոստի» գործակալությանն ասել է Հորդանանի բանակի պաշտոնաթող գեներալ Աուդա ալ-Շուդեյֆաթը։

«Երկրաշարժը վնասել է մեծ տարածքներ Թուրքիայում և Սիրիայում: Հետևելով լրատվամիջոցներում տարածված նորություններին՝ հայտնաբերվում են ԻՊ շարժումներ, որոնք շատ տարածված են այս տարածքներում: Նրանք ազատորեն տեղաշարժվում են՝ հաշվի առնելով այն, որ աշխարհը զբաղված է  երկրաշարժերի հետևանքներով ու պատերազմներով»,- ասել է Աշ-Շուդեյֆաթը։