Տաշքենդում կայացել է Ադրբեջանի և Իրանի նախագահների հանդիպումը

Նոյեմբերի 9-ին Տաշքենդում կայացել է Ադրբեջանի նախագահ Իլհամ Ալիևի և Իրանի Իսլամական Հանրապետության նախագահ Սեյեդ Իբրահիմ Ռաիսիի հանդիպումը:

Ինչպես հայտնում է АПА գործակալությունը, հանդիպմանը քննարկվել են Արազ գետի վրա Աղբենդ ուղղությամբ երկաթուղային և ավտոմոբիլային կամուրջների կառուցման և Իրանի տարածքով միջանցքի անցկացման հետ կապված հարցեր: Մտքեր են փոխանակվել նաև Ադրբեջանի տարածքում «Հյուսիս-Հարավ» տրանսպորտային միջանցքով երկաթուղային ենթակառուցվածքի թողունակության ավելացման և Ռեշտ-Աստարա երկաթուղու սինխրոն շինարարության իրականացման վերաբերյալ:

Զրույցի ընթացքում քննարկվել են էներգետիկ ոլորտում համագործակցությունը, կարևորվել է 3+3 ձևաչափը, անդրադարձ է կատարվել միջազգային կազմակերպությունների շրջանակներում համագործակցությանը: