Մոսկվայում ձերբակալվել է ահաբեկչական խմբավորման 9 անդամ

Մոսկվայի Մեշչանսկի շրջանային դատարանը որոշել է երկու ամիս ժամկետով ձերբակալել ահաբեկչական հանցագործությունների մեջ կասկածվող ութ տղամարդկանց և մեկ կնոջ. ըստ Yerkir.am-ի՝ հայտնում է ՏԱՍՍ-ը՝ իրավապահ մարմինների սեփական աղբյուրին հղումով:

Ըստ գործակալության տվյալների՝ բոլոր 9 ձերբակալվածներն ԱՊՀ երկրներից են:

«Ձերբակալվածների թվում` ութ տղամարդ և մեկ կին է: Նրանք բոլորը կասկածվում են ՌԴ Քրեական օրենսգրքի 205.5-ը 2-րդ մասով, այն է՝  ահաբեկչական կազմակերպության գործունեությանը մասնակցություն ունենալը: Նրանց սպառնում է 10-20 տարվա ազատազրկում », – պարզաբանել է աղբյուրը:

Վերջինս մանրամասնել է նաև, որ բոլոր ձերբակալվածները միջազգային ահաբեկչական կազմակերպության «Хизб ут-тахрир аль-ислами»-ի անդամ են: