Կեսարիայի հայկական եկեղեցին վերածվել է գրադարանի

19-րդ դարի սկզբին Թուրքիայի Կեսարիա քաղաքում գտնվող հայկական Սբ Մարիամ Աստվածածին եկեղեցում, որը 25 տարով տրվել է քաղաքապետարանին, ավարտվել են վերականգնողական աշխատանքները:

Քաղաքի կենտրոնական հատվածում գտնվող եկեղեցին քաղաքապետարանի կողմից վերածվել է գրադարանի, որը Թուրքիայում գտնվող հայկական եկեղեցիների պարագայում եզակի երևույթ է:

Գրադարանն առաջին իսկ օրից մեծ այցելուներ է գրանցել: Ընթերցողներին է ներկայացվում 25.000 տպագիր, 22.000 էլեկտրոնային և 3.000 աուդիո գրքեր: 6 օրում գրադարանից օգտվել է ավելի քան 60000 մարդ:

Հայերից հետո եկեղեցին դարձել էր ոստիկանական բաժանմունք, մարզասրահ:

Տարված աշխատանքների շնորհիվ եկեղեցում առկա որմնանկարներն ու գրությունները մաքրվել, բացվել են:

Տարիներ առաջ եկեղեցու վերակառուցման ժամանակ բնակչությանն իրազեկելու համար փակցված ցուցատախտակի վրայի` «Եկեղեցու վերակառուցման աշխատանքներ» գրությունը «զայրացրել» էր քաղաքի բնակիչներին: «Եկեղեցի» նշվելը ենթարկվել է հանրային քննադատության, որից հետո ցուցանակը փոխվել է և վրան գրվել «Մշակույթի եւ արվեստի կենտրոնի շինարարություն»:

Կեսարիայում նման մի դեպք էլ տեղի էր ունեցել «Անատոլիա» ֆիլմի նկարահանման ժամանակ, երբ քաղաքի բյուզանդական շրջանի ամրոցի վրա ռեժիսորը խաչով դրոշ էր փակցրել: Քաղաքի բնակիչները բողոքել էին, որ իրենք մահմեդականներ են և խաչով դրոշ չեն հանդուրժում: Գազազած բնակիչներին չեն կարողացել հանգստացնել անգամ ոստիկանները: Այդ միջադեպից զայրացած ֆիլմի ռեժիսոր Թանյոլաչ Թյուրքբենը դադարեցրել է նկարահանումները և իր անձնակազմով հեռացել քաղաքից: