Թուրքիայում հայկական եկեղեցին վերածվում է գրադարանի

Ներկայիս Թուրքիայի տարածքում գտնվող հայկական Կեսարիա (Քայսերի) նահանգում գտնվող պատմական Սուրբ Մարիամ Աստվածածին եկեղեցին կվերածվի գրադարանի:

Ըստ Hurriyet-ի՝ եկեղեցին նախկինում ծառայել է որպես ցուցասրահ, ապա՝ որպես մարզասրահ և ոստիկանության բաժանմունքի շենք:

Մինչև գրադարանի բացումը` եկեղեցին կվերանորոգվի և կհամալրվի 50 հազար գրքով: Այն կլինի քաղաքի գլխավոր գրադարանը:

Կայսերիի քաղաքապետ Մուստաֆա Չելիքը, եկեղեցին մարզասրահից գրադարանի վերածելու որոշմանն անդրադառնալով, նշել է, որ գրադարանն ավելի հարմար կիրառություն է եկեղեցու համար: Ըստ նրա՝  գրադարանը համալրվելու է 50 հազար գրքով և դառնալու է քաղաքի գլխավոր գրադարանը: Եկեղեցու մի հատվածում էլ նախատեսվում սրճարան-գրադարան  բացել:

Գրադարանը կբացվի աշնանը՝ վերակառուցման աշխատանքներն ավարտելուց հետո: