Կվերանորոգվեն Կեսարիայի հայկական միակ եկեղեցին և դպրոցը

Ներկայիս Թուրքիայի տարածքում գտնվող հայկական Կեսարիա նահանգի Սուրբ Գրիգոր լուսավորիչ եկեղեցին և Սարգիս Գյումուշյանի անվան դպրոցը կվերանորոգվեն։

Ըստ «Ակօս»-ի՝ վերանորոգման աշխատանքների համար տեղի քաղաքապետարանը գումար է հատկացրել։ 

Նշվում է, որ դեռևս 11-րդ դարում կառուցված եկեղեցին միակն է Կեսարիայում, քանի որ մեկ այլ եկեղեցու կառուցման համար թույլտվություն չի եղել։ Դա է պատճառը, որ Սուրբ Գրիգոր Լուսավորիչ եկեղեցին մեծ դեր և նշանակություն ունի ոչ միայն Կեսարիայի, այլև այդ շրջանի հայերի համար։

Ինչ վերաբերում է դպրոցին, այն նույնպես պատմական նշանակություն ունի։ Սարգիս Գյումուշյանն այն կառուցել է աղքատ երեխաների համար։ Դպրոցը գտնվում է Սուրբ Սարգիս եկեղեցուն պատկանող առանձնատանը, որը վերակառուցվել և հարմար պայմաններ ստեղծվելուց հետո վերածվել է դպրոցի։