Կեսարիայի եկեղեցին կվերածվի գրադարանի

Կեսարիայում (Կայսերի) սկսել են Սուրբ Աստվածածին եկեղեցու վերականգնման աշխատանքները: Եկեղեցին գրեթե 40 տարի օգտագործվել է որպես մարզադահլիճ, իսկ այսուհետ իր դռները որպես գրադարան է բացելու: 

Կեսարիայի Սուրբ Աստվածածին եկեղեցու վերականգնման աշխատանքներն իրականացվում են Կեսարիայի քաղաքապետարանի կողմից: 

Գրադարանն ունենալու է մասնագիտական գրականություն՝ մոտավորապես 50 հազար գիրք և հնարավորություն է տալու ինչպես անհատներին, այնպես էլ խմբերին աշխատելու գրադարանի տարածքում: Կլինեն նաև էլեկտրոնային գրքեր և փաստաթղթերի բաժին: Գրադարանին կից գործելու է սրճարան-գրադարան: Վերականգնման աշխատանքների ավարտից հետո  գրադարանը նախատեսվում է բացել 2017թ. աշնանը:

Երկար տարիներ որպես մարզադահլիճ օգտագործվող եկեղեցում իրենց կրոնական արարողություններն իրականացնելու համար Կեսարիայի բողոքական համայնքը դիմել էր Կեսարիայի քաղաքապետարանին, սակայն մերժում էր ստացել: