«Երեք տառով բառ կա, նաև դրանց դեմ պետք է պայքարել». Գ. Պետրոսյանը՝ Ա. Բաբաջանյանի՞ն նկատի ուներ

ԱԺ-ում պատգամավոր Արման Բաբաջանյանի ելույթից հետո միջադեպ տեղի ունեցավ:

Արման Բաբաջանյանը ԱԺ ամբիոնից նշեց, որ բոլորը միակամ կլինեն, քանի որ իրենք դեռ շատ անելիքներ ունեն ու հավելեց, որ նախկինների սոցիալական բազան քրեական հեղինակություններն են:   

Մինչ այդ Բաբաջանյանն անդրադարձել էր ԲՀԿ խմբակցության պատգամավոր  Գևորգ Պետրոսյանի ելույթին: Վերջինս նիստին ներկա Արդարադատության նախարար Ռուստամ Բադասյանին ասել էր, որ քրեական հեղինակություններից բացի, իր իսկ ձևակերպմամբ,  «Երեք տառով բառ կա, նաև դրանց դեմ պետք է պայքարել»:

Բաբաջանյանն անդրադառնալով Պետրոսյանի ելույթին՝ ասաց. «Հուսով եմ՝ ԲՀԿ-ական պատգամավորը ներողություն կխնդրի»:

Երբ Արման Բաբաջանյանը զբաղեցրեց իր տեղը՝ ԲՀԿ-ական պատգամավոր Արթուր Դալլաքյաննը քայլերն ուղղեց դեպի Բաբաջանյանը ու քաշքշոց տեղի ունեցավ, որին միջամտեցին պատգամավերները:

«Պատգամավորները հերթագրվում ու ամբիոնից խոսում են, և չեն կարող հետապնդվել իրենց ելույթների համար: Ով չի գիտակցում այս նորմերը, թող հրաժարվի մանդատից և «բիսեդկում լռվի»,- ասաց Արարատ Միրզոյանը: