Պոնտոսի հույների ցեղասպանության 100-ամյա տարելիցին նվիրված միջոցառում և ֆիլմի դիտում` Արևմտահայոց հարցերի ուսումնասիրության կենտրոնում

Արևմտահայոց հարցերի ուսումնասիրության կենտրոնը սույն թվականի հունիսի 7-ին, ժամը 19:00-ին կազմակերպում է միջոցառում` նվիրված Պոնտոսում հույնազգաբնակչության ցեղասպանության 100-ամյա տարելիցին:

Միջոցառմանը ելույթներ կունենան պատմական գիտությունների թեկնածու Գևորգ Վարդանյանը և Հայաստանի հունական համայնքների միության նախագահ Մարիա Լազարևան:

Ելույթներից հետո կցուցադրվի պոնտոսցի հույների ցեղասպանությանը նվիրված «Արգոնավորդների հետքերով» ֆիլմը: Սույն վավերագրական ֆիլմը ներկայացնում է Պոնտոսի հույների զարգացումն ու անկումը, որը 20-րդ դարի սկզբին ավարտվեց երիտթուրքերի կողմից կազմակերպված հալածանքներով ու ցեղասպանությամբ։

Ամսաթիվ` 2019 թ. հունիսի 7, ժամը 19:00

Հասցե`ՀՅԴ Արամ Մանուկյանի անվան երիտասարդական կենտրոն, Գյուլբենկյան 38 (HSBC բանկի հարևանությամբ), 5-րդ հարկ

Մուտքն ազատ է: Սիրով հրավիրում ենք բոլոր ցանկացողներին: