Բոլոր կողմերն են համաձայնել տեքստին, այն չի կարող մեկնաբանվել հօգուտ մեկի կամ ի վնաս մյուսի. ԱԳՆ խոսնակը՝ Մամեդյարովի հայտարարության մասին

Օրերս Ադրբեջանի ԱԳ նախարար Էլմար Մամեդյարովը հայտարարել էր, որ իր հայ գործընկեր Զոհրաբ Մնացականյանի հետ կարողացել է ԼՂ հակամարտության կարգավորման բանակցություններում փոխըմբռման հասնել: «Կարծում եմ, որ Միլանում վերջերս կայացած հանդիպման ժամանակ իմ հայ գործընկերոջ հետ երկար տարիների ընթացքում առաջին անգամ հասանք փոխըմբռնման»,- ասել էր նա:

ՀՀ ԱԳՆ մամուլի խոսնակ Աննա Նաղդալյանը լրագրողների հետ հանդիպման ժամանակ այս առնչությամբ որոշակի պարզաբանումներ արեց՝  հիշեցնելով, որ դեռ երեկ է իրենց կողմից այս հարցին անդրադարձ եղել, թե փոխըմբռնումն ինչին և ում է վերաբերում:

«Դա վերաբերում է հետևյալին՝ նախարարները  պայմանավորվել են շարունակել հանդիպումները՝ առկա դինամիկան պահպանելով: Եվ ևս մեկ համաձայնություն է ձեռք բերվել տեքստի շուրջ, որը վերաբերում է նրան, որ բոլոր կողմերն են համաձայնել դրա բովանդակությանը, ուստի այն չի կարող մեկնաբանվել հօգուտ մեկի կամ ի վնաս մյուսի»,- շեշտեց նա: