Ալիևը ու Չավուշօղլուն քննարկել են Արցախյան հիմնախնդիրը․ CNN Turk

Թուրքիայի արտաքին գործերի նախարար Մևլութ Չավուշօղլուն պաշտոնական այցով մեկնել է Բաքու։

Ըստ CNN Turk-ի՝  Չավուշօղլուն Ադրբեջանում մասնակցել է Սևծովյան տնտեսական համագործակցության արտգործանախարարների նիստին, ինչպես նաև առաձին հանդիպումներ ունեցել  Ադրբեջանի նախագահ Իլհամ Ալիևի և Ռուսաստանի արտգործնախարար Սերգեյ Լավրովի հետ։

Լավրով-Չավուշօղլու հանդիպումը տեղի է ունեցել  փակ դռների հետևում, սակայն Չավուշօղլուն լրագրողներին որոշ մանրամասներ է ներկայացրել հանդիպման վերաբերյալ։ Նա տեղեկացրել է, որ հանդիպման ժամանակ քննարկել են ռուս-թուրքական նախագծերը, առևտրատնտեսական հարաբերությունները, վիզաների ազատականացման հարցը և հյուպատոսարանի հետ կապված խնդիրները, ինչպես նաև տարածաշրջանային երկկողմ հարաբերություններին առնչվող խնդիրներ։

CNN Turk-ի տեղեկություններով՝ հանդիպման ժամանակ խոսվել է նաև Արցախյան հարցի մասին։  Չավուշօղլուն նշել է, թե Թուրքիան կշարունակի աջակցել Ադրբեջանին Արցախյան հակամարտության հարցում՝ Ադրբեջանի «տարածքային ամբողջականության պահպանման համատեքստում»։