Մամեդյարովը ԵԱՀԿ ընդհանուր քարտուղարի հետ քննարկել է Արցախյան հիմնախնդիրը

Ադրբեջանի ԱԳ նախարար Էլմար Մամեդյարովը Միլանում ԱԳ նախարարների խորհրդի 25-րդ նիստում հանդիպել է ԵԱՀԿ-ի ընդհանուր քարտուղար Թոմաս  Գրեմինգերի հետ: Այս մասին հաղորդում է ադրբեջանական minval.az-ը: Հանդիպման ժամանակ Մամեդյարովին առաջարկվել է գնահատել Արցախի հարցում տիրող իրավիճակը, քննարկվել են Արցախյան խնդրի լուծման հեռանկարները: Մամեդյարովը Թոմաս Գրեմինգերին տեղեկություններ է փոխանցել դեկտեմբերի 5-ին Հայաստանի ԱԳ նախարարի ժամանակավոր պաշտոնակատար Զոհրաբ Մնացականյանի և ԵԱՀԿ ՄԽ համանախագահների հետ ունեցած հանդիպման վերաբերյալ` ընդգծելով, որ այն բավական արդյունավետ էր, և որ կողմերը համաձայնություն են ձեռք բերել մոտ ապագայում շարունակելու նույն ձևաչափով արդյունավետ և աշխույժ քննարկումները: