CNN TÜRK-ը կեղծ լուրեր է տարածում Արցախում իբր կռվող ՔԱԿ զինյալների մասին

Greek City Times-ը ահազանգում է, որ ամերիկյան CNN-ի թուրքական ծառայությունը կեղծ լուրեր է տարածում, ըստ որի` Արցախում իբր կռվում են Քուրդիստանի աշխատավորական կուսակցության զինյալները:

«CNN-ն արդեն ունի քիչ տպավորող վարկանիշ ԱՄՆ-ում, բայց CNN TÜRK-ի կեղծ լուրերը նրան նոր մակարդակի են բարձրացնում, մասնավորապես` երբ նրանք նկատվել են Քուրդիստանի աշխատավորական կուսակցության զինյալների մասին կեղծ լուրեր տարածելու մեջ, որոնք իբր կռվում են հայերի հետ Արցախում», - գրում է կայքը:

Թուրքական գործակալությունը կեղծ կադրեր է հրապարակել, իբր ՔԱԿ-ը կռվում է նաև «ԱՍԱԼԱ»-ի հետ համատեղ:

Թուրքական CNN-ի տարածած նկարում, երևում է նարնջագույն, կապույտ, կարմիր դրոշ, որն իրականում պատկանում է կոլումբիական ազգային բանակին (FARC), ուստի դրոշի վրայի քարտեզը Կոլումբիային է պատկանում:

Այսպիսով` թուրքերը ցանկանում են արդարացնել Սիրիայից թուրքմեն ահաբեկիչների ներկայությունը Ադրբեջանում, որոնք կռվում են Հայաստանի և Արցախի դեմ:

Բացի այդ` կայքը նաև ընդգծում է, որ այդ նկարն իրականում արվել է 2014 թ.: