Վարչապետը ուժայիններին հրահանգեց ռեյդեր իրականացնել, զինաթափել օլիգարխներին

Այսօր «Իմ քայլը» դաշինքի նախընտրական հանրահավաքում ելույթ ունեցավ ՀՀ վարչապետ Նիկոլ Փաշինյանը, ով անդրադարձավ այսօրվա ամենաթեժ թեմային` ՀՔԾ պետի ու ԱԱԾ տնօրենի միջև հեռախոսազրույցի գաղտնալսմանը եւ հրապարակմանը:

«Ես ուզում եմ ասել աներկբա, որ սա դավադրություն ու հանցագործություն է Հայաստանի պետականության նկատմամբ: Եվ ես հանձնարարել եմ ԱԱԾ-ին, ոստիկանությանը ամենակարճ ժամանակահատվածում հայտնաբերել դավադրությունը կազմակերպողներին ու նրանց ենթարկել ամենախիստ պատասխանատվության»,- ասաց նա:

Փաշինյանի խոսքով` բոլոր չակերտավոր հատուկ ծառայությունները, ապօրինի զինված խմբավորումները հայտնաբերվելու են ու ոչնչացվելու են, նրանց պետք է պառկեցնել ասֆալտներին ու զինաթափել:

Վարչապետը ուժայիններին հրահանգեց ռեյդեր իրականացնել, զինաթափել օլիգարխներին, բարձրաստիճան պաշտոնյաներին և երկու ժամ անց ներկայացնել արդյունքները: «Սերժ Սարգսյան, Ռոբերտ Քոչարյան, մարտահրավերն ընդունված է», - բղավեց Փաշինյանը:

Աղմուկ հանած ձայնագրությունն՝ այստեղ: