Հերիք է ցինիզմով զբաղվեք, ձեր գործով զբաղվեք. Տարոն Մարգարյանը՝ «Երկիր ծիրանի»-ի անդամին

Հերիք է ցինիզմով զբաղվեք, ձեր  գործով զբաղվեք. դիմելով Երևանի ավագանու «Երկիր ծիրանի» խմբակցության անդամ Մարինա Խաչատրյանին՝ ասաց Երևանի քաղաքապետ Տարոն Մարգարյանը:

Մարինա Խաչատրյանը մինչ այդ հանդես եկավ ելույթով՝ ասելով, որ 45 մլն դրամի դրոշ է գնվել միջոցառումների համար: Նա նշեց նաև, որ 16 մլն դոլար էլ հատկացվել է աղբահանության համար այն դեպքում, երբ Երևանն ամենակեղտոտ քաղաքն է:

«Պարո'ն Մարգարյան, Դուք էլ եք ոչ լեգիտիմ, այս ավագանին էլ է ոչ լեգիտիմ, և հույս ունեմ, որ այդ արիությունը կունենաք, որպեսզի ցրեք այս ավագանին»,- ասաց Խաչատրյանը:

Նա հիշեցրեց նաև, որ քաղաքապետարանի միջանցքում բազմաթիվ քաղաքացիներ սպասում են քաղաքապետի հետ հանդիպմանը և իրենց բողոքը ներկայացնելուն: