«Ծիրանի ծառ»` «Ոսկե ծիրանի» նոր նախագիծը

2015-ին «Ոսկե ծիրան» միջոզգային կինոփառատոնը հանդես կգա նոր նախագծով:

Լրագրողների հետ հանդիպման ժամանակ փառատոնի հիմնադիր տնօրեն Հարություն Խաչատրյանը տեղեկացրեց, որ 2015-ին «Ոսկե ծիրանի» շրջանակներում կյանքի կկոչվի «Ծիրանի ծառ» նախագիծը:

«Սա իրենից կներկայացնի էթնոգրաֆիկ ֆիլմերի մրցույթ: Այն, ինչ ունենք, պարտավոր ենք աշխարհին ներկայացնել, մենք մեր ժառանգությունը, հարստությունը` ձեռագործություն, խեցեգործություն, գորգագործություն, պետք է տարածենք»,- ասաց Խաչատրյանը:

Նա նշեց նաև, որ եթե նախագծի մեկնարկն ու ընթացքը հաջող լինի` հնարավոր է` այն դառնա առանձին փառատոն:

«Ոսկե ծիրան» կինոփառատոնի բացման արարողությունը տեղի կունենա հուլիսի 13-ին: