Լևոն Մկրտչյանը բացատրեց, թե ինչու է ԲՈւՀ-ի խորհրդի կազմը վարչապետը հաստատելու

ԱԺ-ում «Բարձրագույն կրթության ոլորտի օրենսդրական բարեփոխումներն ու հիմնախնդիրները» թեմայով խորհրդարանական լսումների ժամանակ Երևանի ավագանու «Ելք» խմբակցության անդամ Անահիտ Բախշյանը նշեց, որ երբ նախագիծը սկզբում` ի դրաֆթում հայտնվել է, այնտեղ չի գրված չի եղել, որ ԲՈւՀ-ի կառավարման խորհուրդը պետք է վարչապետը հաստատի:

«Կառավարությունում քննարկվելուց հետո գալիս է մի նախագիծ, որտեղ ավելացվում է այս տողը: Դա ուղիղ հակասության մեջ է այն մարտահրավերին, որը Դուք նշում եք՝ ապաքաղաքականացնել ԲՈւՀ-երը: Չի կարող բուհի ինքնավարությունը ավելանալ, եթե վարչապետը պետք է հաստատի բուհի կառավարման խորհրդի կազմը»,- ասաց նա՝ դիմելով ԿԳ նախարար Լևոն Մկրտչյանին:

Մկրտչյանը նշեց, որ «ԲՈւՀ-ի կառավարման խորհրդի կազմը հաստատում է վարչապետը» դրույթը հիմնադիրի մասին է: Մանրամասն ներկայացված է, թե համալսարանն ինչպես է ձևավորում իր առաջին խորհուրդը: «Օրինակ` մասնավոր բուհի խորհուրդը պետք է հաստատվի իր հիմնադիրի կողմից, պետության կողմից հիմնադրվող ԲՈւՀ-ի խորհուրդը ևս պետք է հիմնադիրի կողմից հաստատվի»,- ասաց նախարարը և հավելեց, որ եթե գտնում են, որ պետք է մեծացվի հիմնադիրի կազմը, կոլեկտիվ դարձվի, ապա կարող են փոփոխություն անել, և կառավարությունը հաստատի ԲՈւՀ-ի կառավարման խորհրդի կազմը: