Մանվել Բադեյանը Առնո Բաբաջանյանի օրինակով բացատրեց, թե ինչու էր լրագրողներին ''արա'' ասում

Երեկ ՀՀԿ-ական պատգամավոր Մանվել Բադեյանը վիրավորել էր ոչ միայն եզդիներին, այլ նաեւ լրագրողներին` նրանց դիմել «արա»-ով:

Այսօր ԱԺ-ում պատգամավորը պարզաբանեց, թե ինչու էր այդպես խոսում: Նա նախ ասաց, որ «արա»-ն ոչ միայն հատուկ անուն է, նաև` բացականչություն: «Օրինակ` Առնո Բաբաջանյանին երբ հարցնում էին` ո՞նց ես, ասում էր` արա, լավ եմ»»,- ասաց պատգամավորը:

Նա բողոքեց լրագրողներից, որ փոխանակ այդ սուր նետերը ուղղեն այն աղբի դեմ, որով ողողված է հեռուստատեսությունը և մամուլը, ուղղել են լավագույն հաղորդումներից մեկի` «Ինչ, որտեղ, երբ» հեռուստախաղի դեմ:

Yerkir.am-ի հետ զրույցում պատգամավորն ասաց, որ այդ հեռուստախաղի հովանավորն է: