Վերացնել արգելանքի պատճառով մաքսազերծման խոչընդոտները. հանձնարարական

Այսօր կառավարության նիստում վարչապետ Կարեն Կարապետյանը հանձնարարական տվեց արգելանքի պատճառով մաքսազերծման խոչընդոտների վերացման վերաբերյալ: Վարչապետի խոսքով` իրականացված ուսումնասիրությունների արդյունքում վեր են հանվել ապրանքների մաքսազերծման խափանման դեպքեր, որոնք պայմանավորված են եղել ֆիզիկական կամ իրավաբանական անձանց գույքի արգելանքի առկայությամբ: Նշվածի արդյունքում սահմանափակվում է մաքսազերծման գործընթացը և անձանց ապրանքի օգտագործման կամ տնօրինման հնարավորությունը:

Հաշվի առնելով դա` վարչապետը  արդարադատության նախարարին և ՊԵԿ նախագահին հանձնարարեց 20-օրյա ժամկետում համատեղ մշակել և կառավարության աշխատակազմին ներկայացնել անձի գույքի կամ դրամական միջոցների արգելանքի առկայության դեպքում ապրանքների մաքսազերծման խոչընդոտների վերացմանն ուղղված առաջարկներ: