Վանաձորում երկու դպրոցներ կմիավորվեն

Այսօր կառավարության նիստում տարածքային կառավարման և զարգացման նախարար Դավիթ Լոքյանը ներկայացրեց որոշում, որով նախատեսվում է երկու դպրոցների միավորում: Մասնավորապես Վանաձորի Մարշալ Բաղրամյանի անվան թիվ 26 հիմնական դպրոցը, որն ունի 30 աշակերտ և զբաղեցնում է շուրջ 5069 քմ տարածք, կփակվի և կմիացվի հարևանությամբ գտնվող թիվ 28 դպրոցին, որը կառուցվել է երկրաշարժից հետո։

Դավիթ Լոքյանի խոսքով՝ դպրոցի պահպանությունն ու վերականգնումը բացարձակապես չի հիմնավորվում, քանի որ նշված  թվակազմով և տարածքով դպրոց պահելը չի արդարացվում:

Նախարարը նաև հավելեց, որ  դպրոցների օպտիմալացման արդյունքում կտնտեսվի 19 միլիոն դրամ: