Երբեք չենք ասում մի բան, որը չենք անում․ Էդվարդ Նալբանդյան

Երբեք չենք ասում մի բան, որը չենք անում: Այսինքն՝ մենք ասում ենք այն, ինչ անում ենք և անում այն, ինչ ասում ենք. Հայաստան-Սփյուռք համաժողովի ժամանակ իր խոսքում նշեց ՀՀ արտաքին գործերի նախարար Էդվարդ Նալբանդյանը՝ խոսելով Հայաստանի արտաքին հարաբերությունների մասին։

Նալբանդյանն ասաց նաև, որ Հայաստանի գործողությունները երբեք գաղտնիք չեն եղել: «Մենք ուզում ենք ունենալ ամենասերտ հարբերությունները բոլորի հետ՝ հաշվի առնելով, որ Ռուսաստանը մեր դաշնակից երկիրն է, ինչն իր մեջ խորը իմաստ է պարունակում: Հարցն այն է, որ մեր տնտեսական ռազմավարական շահերից է բխում լինել ԵԱՏՄ անդամ, և համոզված ենք, որ մեր շահերից է բխում նաև զարգացնել հարաբերություններն այլ երկրների հետ այնքանով, որքանով այդ երկրները պատրաստ են»,-ասաց Նալբանդյանը:

Խոսելով Հայաստան- Վրաստան հարաբերությունների մասին, նախարարը այդ հարաբերությունները գնահատեց բարձր մակարդակի, սերտ: «Հայաստանի և Վրաստանի միջև չկան խնդիրներ, որոնց լուծումը չենք կարող գտնել»,-ասաց նախարարը։