Ասում է մի բան, անում` մեկ այլ բան. Սիրիայի ներկայացուցիչը` Թուրքիայի քաղաքականության մասին

ՄԱԿ-ում Սիրիայի մշտական ներկայացուցիչ Բաշար ալ Ջաֆարին, ով Աստանայում անցկացվող բանակցություններում ներկայացնում է պաշտոնական Դամասկոսը, մեկնաբանելով Անկարայի դերը սիրիական կարգավորման գործում, հայտարարել է, որ Թուրքիան ասում է մի բան, բայց իրականում անում մեկ այլ բան. տեղեկացնում է РИА Новости-ն:

Սիրիայի հարցով բանակցություններն անցկացվել են Աստանայում հունվարի 23-24-ը: Նախաձեռնողը ՌԴ նախագահ Վլադիմիր Պուտինն է: Գաղափարին աջակցել են Թուրքիայի և Ղազախստանի նախագահները:

Սիրիական ընդդիմության միասնական պատվիրակության մեջ ներառված են 10-15 զինված խմբավորումների ներկայացուցիչներ: Բանակցություններին մասնակցում են նաև Ռուսաստանի, Թուրքիայի, Իրանի ներկայացուցիչները` որպես հրադադարի պահպանման երաշխավորներ, նաև` ՄԱԿ-ը: