ՄԻԵԴ հերթական վճիռն ընդդեմ Հայաստանի Հանրապետության

Մարդու իրավունքների եվրոպական դատարանում Հայաստանի Հանրապետությունը կրել է հերթական պարտությունը: Խոսքը ՄԻԵԴ-ի «Ասատրյանն ընդդեմ Հայաստանի» (թիվ 3571/09 գանգատ) գործի մասին է: ՀՀ-ն պարտավորվում է պետբյուջեից հաղթող կողմին փոխհատուցել 4100 եվրոյին համարժեք ՀՀ դրամ:

Հարցը կառավարության վաղվա նիստում ներկայացնելու է արդարադատության նախարար Դավիթ Հարությունյանը` խնդրելով, որպեսզի հանրապետության 2017 թվականի պետական բյուջեով նախատեսված` Հայաստանի Հանրապետության կառավարության պահուստային ֆոնդի հաշվին արդարադատության նախարարությունը 2017 թվականի 4-րդ եռամսյակում հատկացնի նշված գումարը` ՄԻԵԴ պահանջները բավարարելու համար: