Ուրախ կլինենք, որ Տեր-Պետրոսյանն ընդունի մեր հրավերը. Աշոտյան

ՀՀԿ-ն դեռ պաշտոնապես չի հրավիրել Լևոն Տեր-Պետրոսյանին` իր դպրոցում դասախոսություն կարդալու. լրագրողներին ասաց ՀՀԿ փոխնախագահ Արմեն Աշոտյանը:

«Ուրախ կլինենք, որ Տեր-Պետրոսյանը ընդունի մեր հրավերը»,- հավելեց նա` նշելով, որ կրթությունը գրաքննության չպետք է ենթարկվի:

Ըստ Աշոտյանի`  անկախ նրանից` Տեր-Պետրոսյանի տեսակետն ինչպիսի մեկնաբանության կարժանանա հասարակության ճնշող մեծամասնության կողմից, այդ կարծիքը պետք է հարգվի: «Միայն ռասիզմը, բռնության կոչերը չպետք է ակադեմիական ազատության տակ հրամցնել, մնացած ամեն ինչը ակադեմիական ազատություն է»,- ասաց նա, ապա հավելեց. «Անկախ նրանից` մենք համաձայն ենք Լևոն Տեր-Պետրոսյանի հետ, թե` ոչ, նա մեծ գործ արեց: Նախընտրական քարոզարշավի ընթացքում Արցախի հարցը մտցրեց Հայաստանի ներքաղաքական կյանքի մեջ: Միայն դրանից հետո, թե’ Հհանրապետականը, թե’ ՀՅԴ-ն, թե' այլ քաղաքական ուժեր անդրադարձան Արցախյան հիմնախնդրին»: