Ուրախ կլինենք, եթե մի օր մրցանակը թուրք ստանա. Ռուբեն Վարդանյանը`Aurora Prize–ի մասին

Aurora Prize  նախագիծը դարձավ ավելի մասշտաբային, քան ծրագրվել էր. ТАСС-ին տված հարցազրույցում ասել է ռուսաստաբնակ հայտնի գործարար և բարերար Ռուբեն Վարդանյանը:

Նա նշել է , որ ի սկզբանե ցանկություն կար օգնել հայերին` հաղթահարել տուժածի բարդույթը, որը հետապնդում է մեզ 1915-ի Ցեղասպանությունից ի վեր, հաղթահարել ներքին խոր ցավը:

«Մենք ցանկանում էինք ցույց տալ աշխարհին` ինչպես են սարսափելի ողբերգություն ապրած մարդիկ ողջ մնացել, ոտքի կանգնել և պատրաստ են օգնել նրանց, ովքեր կարիք ունեն: Սակայն շուտով պարզ դարձավ, որ այն, ինչ կատարվում է այսօր աշխարհում, այդ թեման արդիական է դարձնում յուրաքանչյուրի համար»,- մանրամասնել է Վարդանյանը:

Նրա խոսքով` Aurora Prize-ի թեկնածուների համար չկան ո'չ աշխարհագրական, ո'չ թեմատիկ, ո'չ ազգային սահմանափակումներ:

«Ուրախ կլինենք, եթե մի օր մրցանակը  թուրք ստանա, որի գործունեությունը կհամապատասխանի մեր մրցանակի չափանիշներին»,- նշել է Վարդանյանը: