Պենտագոնը վերանայում է Սիրիայի հարցով ՌԴ-ի հետ կնքված հուշագիրը

ԱՄՆ ռազմական գերատեսչության նոր ղեկավարությունը` պաշտպանության նախարար Ջեյմս Մեթիսի գլխավորությամբ, վերանայում է ռուս-ամերիկյան հուշագիրը Սիրիայի օդային տարածքում թռիչքների անվտանգությունն ապահովելու մասին:

ТАСС գործակալության փոխանցմամբ` այս մասին լրագրողների հետ հանդիպմանն ասել է ԱՄՆ ռազմաօդային ուժերի հրամանատար Դևիդ Գոլդֆինը: Այսկերպ նա պատասխանել է իրեն տրված հարցին, թե արդյոք ԱՄՆ-ի նոր վարչակազմը ցանկանում է ընդլայնել Ռուսաստանի հետ երկկողմ հուշագիրը Սիրիայի երկնքում միջադեպերի կանխարգելման մասին:

Գոլդֆինն ընդգծել է, որ ԱՄՆ պաշտպանության նախարարությունը ներկա փուլում չի դիտարկում Ռուսաստանի հետ ուժերը միավորելու հնարավորությունը Սիրիայում ահաբեկչության դեմ պայքարի շրջանակներում: