Բրիտանիան վերանայում է Թուրքիային զենք մատակարարելու հավաստագրերը. Financial Times

Մեծ Բրիտանիան վերանայում է Թուրքիային զենքի մատակարարման բոլոր հավաստագրերը Սիրիայում Անկարայի ռազմական գործողությունների պատճառով. հայտնում է Financial Times-ը:

Որոշման մասին դեռ պաշտոնապես չի հայտարարվել, սակայն, լրատվամիջոցի տեղեկություններով, կառավարությունը որոշել է ամբողջությամբ վերանայել բոլոր զենքերի մատակարարումները, որոնք կարող են օգտագործվել Թուրքիայի կողմից ընթացիկ գործողության ընթացքում, և ժամանակավորապես կասեցնել նոր լիցենզիայի տրամադրումը:

Վերջին հինգ տարվա ընթացքում Մեծ Բրիտանիան Թուրքիային մատակարարել է 1,1 միլիարդ ֆունտ (1,4 միլիարդ դոլար) արժողությամբ զենք:

Հիշեցնենք, որ ավելի վաղ եվրոպական մի շարք երկրներ դադարեցրել էին Թուրքիային զենքի մատակարարումը: Սակայն ԵՄ 28 երկրների արտգործնախարարները երկուշաբթի Լյուքսեմբուրգում կայացած հանդիպման ընթացքում չէին համարձակվել էմբարգո կիրառել Անկարային զենքի մատակարարման հարցում: