Էր Ռիյադը հաստատել է մինչեւ Մեքքա արագընթաց երկաթուղու կառուցման աշխատանքների երկարաձգումը

Սաուդյան Արաբիայի իշխանությունները պաշտոնապես հաստատել են, որ 14 ամսով երկարաձգել են Մեքքա-Մեդինա արագընթաց երկաթուղու շինարարության աշխատանքները, որով զբաղվում է «Ալ Շոուլա» կոնսորցիումը, որը կազմված է հիմնականում իսպանական ընկերություններից, հայտնում է EFE Agency-ն:

Համաձայնագրին հավանություն է տրվել Սաուդյան Արաբիա Իսպանիայի թագավոր Ֆիլիպ VI-ի այցի առիթով: Նախապես ենթադրվում էր, որ երկաթուղու շինարարությունը կավարտվի ընթացիկ տարվա սկզբին: Իսկ այժմ խոսքը 2018-ի մարտի մասին է:

2011 թվականին Սաուդյան Արաբիայում Մեքքա-Մեդինա ուղղությամբ արագընթաց երկաթուղու շինարարության եւ շարժակազմի մատակարարման 6,7 մլրդ եվրո արժեքով տենդեր է հայտարարվել, որը շահել է «Ալ Շոուլա» կոնսորցիումը, որը կազմված է 12 իսպանական եւ 2 սաուդյան ընկերություններից: Պայմանագրով նախատեսվում է արագընթաց երկաթուղու նախագծում եւ կառուցում, 35 շարժակազմի մատակարարում, ինչպես նաեւ 12 տարի երկաթուղու եւ շարժակազմի շահագործում: