Financial Times-ն արձագանքել է Ջարաբլուսում թուրքական հարձակմանը

Անգլիական մամուլն անդրադարձել է Սիրիայի Ջարաբլուս քաղաքում թուրքական հարձակմանն ու այդ երկրում խոսքի ազատությանը:

Financial Times թերթում «Թուրքիան ուժեղացրել է քուրդ զինյալների դեմ հարձակումը» վերնագրով հոդվածում, մասնավորապես, նշվել է, որ Սիրիայում բախումների հզորացումը ԱՄՆ-ին բարդ իրավիճակի մեջ է գցում: 

«Վաշինգտոնը երկար ժամանակ աջակցում էր ԻՇԻՊ-ի դեմ ազդեցիկ պայքար մղող՝ Սիրիայի քրդերին: Այդ բախումների ընթացքում մինչ օրս առնվազն զոհվել է 35 քաղաքացի»,- նշվել է հոդվածում:

Հիշեցնենք, որ օրեր առաջ թուրքական բանակը ռազմական գործողություն է սկսել` սիրիական Ջարաբլուս քաղաքն իբր ԻՊ-ի զինյալներից ազատագրելու համար: