Էրդողանն ունի «Ինձնից հետո՝ թեկուզ ջրհեղեղ» մտածողությունը. Financial Times

Հեղինակավար Financial Times պարբերականի միջազգային հարաբերությունների բաժնի խմբագիր Դևիդ Գարդներն անդրադարձել է վերջին շրջանում Թուրքիայում զարգացող քաղաքական իրավիճակին և նոյեմբերի 1-ին կայանալիք խորհրդարանական ընտրություններին:

«Էրդողանը միակ մարդը լինելու երկրորդ փորձն է անում» վերնագրված հոդվածում Գարդները քննադատել է Էրդողանին՝ նրան մենիշխան լինելու ջանքեր գործադրելու մեջ մեղադրելով: Ըստ նրա` Էրդողանը նման է պալտում նստած սուլթանի, ով ունի «Ինձնից հետո՝ թեկուզ ջրհեղեղ» մտածողությունը:

Խմբագիրն իր հոդվածում անդրադարձել է նաև կոալիցիայի ձևավորման համար տեղի ունեցած բանակցություններին, որոնք, ըստ հոդվածագրի, երբեք հեռանկար չեն ունեցել:

Հոդվածի վերջում Գարդները գրում է նաև ԻՇԻՊ-ի,  վերջին շրջանում թուրքական զինուժի և  Քրդական բանվորական կուսակցության զինյալների միջև հաճախակի դարձած բախումների մասին, որոնց պատճառը, ըստ նրա, Էրդողանն է: