The Guardian-ի, Financial Times-ի և Times-ի անդրադարձը` Կ.Պոլսի դեպքերին

Երեկ Կ.Պոլսի ոստիկանության միաժամանակյա գործողություններին անդրադարձել են The Guardian, Financial Times և Times թերթերը. հայտնում է t24.com-ը:

Ըստ բրիտանական The Guardian-ի` այս գործողությունն ավելացնում է ճնշումը Թուրքիայի վարչապետ Էրդողանի վրա և տեղական ինքնակառավարման մարմինների ընտրություններին ամիսներ առաջ կառավարությունում «շոկային ալիք» ստեղծում:

Երեկվա ոստիկանական գործողությունները Գեզի այգու դեպքերից հետո Էրդողանի կառավարության վարած քաղաքականության դեմ ուղղված ամենամեծ ըմբոստությունն էր:

Ըստ «Financial Times»-ի` Թուրքիան «ցնցվում է»:

Իսկ «Times»-ն այս լուրը վերնագրել է` «Զանգվածային ձերբակալությունները Թուրքիայի վարչապետին տանում են դեպի կոռուպցիոն սկանդալ»:

Նշենք, որ 51 և ավել ձերբակալվածների թվում են եղել նաև Թուրքիայի ներքին գործերի նախարար Մուամմեր Գյուլերի որդի Բարըշ Գյուլերը, Էկոնոմիկայի և շրջակա միջավայրի նախարար Արդեղան Բայրաքթարի որդի Աբդուլլահ Օղուզ Բայրաքթարը: