Թուրքիայում դեռ շատ բան կա անելու. Գյուլի հարցազրույցը՝ Financial Times-ին

Թուրքիայի նախկին նախագահ Աբդուլլահ Գյուլը հարցազրույց է տվել բրիտանական Financial Times-ին:

Ըստ Demokrathaber-ի՝ Թուրքիայում քրդամետ Ժողովուրդների դեմոկրատական կուսակցության վերաբերյալ հարցին Գյուլը պատասխանել է, որ ԺԴԿ-ի ներկայությունը մեջլիսում դրական է դիտվում:

«Թուրքիան ժողովրդավար և ԵՄ անդամակցության թեկնածու երկիր է: Մյուս կողմից՝ Թուրքիայում դեռ շատ բան կա անելու: Պետք է մեր ունեցածը զարգացնենք»,- ասել է նա:

Հարցազրույցի ընթացքում անդրադարձ է արվել նաև Գյուլի՝ քաղաքական դաշտում ակտիվությանը: Գյուլը, սակայն, հայտնել է, որ չի ցանկանում քաղաքական դաշտում ակտիվ լինել, սակայն շարունակում է մասնակցել կոնֆերանսների և արտահայտել իր տեսակետներն ու խորհուրդներ տալ: «Ես նկատում եմ, որ հանրությունը դրանք լուրջ է ընդունում»,- նշել է Թուրքիայի նախկին նախագահը: