Էրդողանի վերջին «շանսը». Financial Times

Ներկայիս քրդերը վերջին քրդերն են, որոնց հետ Անկարան կարող է համաձայնության գալ. գրել է Financial Times-ը:

Ըստ թերթի` չնայած Մերձավոր Արեւելքում տիրող իրարանցումին՝ Թուրքիան արաբական աշխարհում երկար ժամանակ կարողացել է ձևացնել, թե կայունության աղբյուր է, չափավոր և ժամանակակից իսլամի համար օրինակելի երկիր, սակայն իր դիրքն արդեն կորցրել է:

«Նախագահ դառնալուց առաջ Թուրքիայի վարչապետի պաշտոնը զբաղեցրած Ռեջեփ Թայիփ Էրդողանը, իր երկիրը ռիսկի մղելով, «թաղում է»  Թուրքիայում քրդական փոքրամասնությանը մի ժամանակ տված իր խոստումը»,- գրում է թերթը:

Նշելով, որ դրա ամենահավանական պատճառը ԻՇԻՊ-ի՝ Քոբանիում իրականացրած հարձակումներն են, հավելում է. «Թուրքական տանկերի անտարբերությունը թուրք քրդերին հունից հանում է»: