ՆԱՏՕ-ի և ՌԴ միջև հարաբերությունները կարելի է համարել սառը պատերազմի սկիզբ. ՌԴ վարչապետ

ՌԴ վարչապետ Դմիտրի Մեդվեդևը ՆԱՏՕ-ի և ՌԴ միջև ներկայիս հարաբերությունները համարել է նոր սառը պատերազմի սկիզբ: Այս մասին Մեդվեդևն ասել է Մյունխենում անվտանգության հարցերով համաժողովի ժամանակ` տեղեկանում ենք BBC-ից:

«Մեր գնահատմամբ` ՆԱՏՕ-ի` քաղաքական մոտեցումը ՌԴ հանդեպ շարունակում է մնալ փակ և թշնամական: Կարող ենք ավելի կտրուկ ասել` մենք սառը պատերազմի մեջ ենք»,-ասել է Մեդվեդևը:

Նա նշել է, որ գրեթե ամեն օր հայտարարություն են տարածում, թե ՌԴ-ն ամենամեծ վտանգն են ներկայացնում մեկ` ՆԱՏՕ-ի համար, մեկ էլ` Եվրոպայի ու Ամերիկայի.«Սարսափելի ֆիլմեր են նկարում, որտեղ ռուսներն իբր միջուկային պատերազմ են սկսել: Ես երբեմն մտածում եմ` մենք հիմա 2016-ի մե՞ջ ենք, թե՞` 1962-ի»: