Հայտնի է Սուդանում ինքնաթիռի վթարի հետեւանքով զոհված անձնակազմի անդամներից 4-ի անունը

Yerkir.am-ին հայտնի են դարձել այսօր՝ նոյեմբերի 4-ին, Հարավային Սուդանում կործանված օդանավի  անձնակազմի զոհված անդամներից չորսի անունը: Օդանավում եղել են երկրորդ օդաչու Սամվել Համբարձումյանը, Սուրեն Պետրոսյանը, կողային տեխնիկ Սամվել Մկրտչյանը եւ Գեւորգ Թովմասյանը:

Մեր տեղեկություններով անձնակազմի հրամանատարը նախկին ռազմական օդաչու է եղել: 

Ինչպես ավելի վաղ հայտնել էինք  Հարավային Սուդանում կործանված բեռնատար օդանավի սեփականատերը հայ գործարար է: Մեր տեղեկություններով՝  նա «Տարոն ավիա» ընկերության տնօրեն Գառնիկ Պապիկյանն է, ով վերջերս էր հայտնվել մամուլի ուշադրության կենտրոնում «Էյր Արմենիա» ավիաընկերության տնօրեն Արսեն Ավետիսյանի հետ կապված միջադեպի պատճառով: