Էրդողանը նախանձում է Մերկելին

Թուրքիայի նախագահ Ռեջեփ Թայիփ Էրդողանը մուսուլման ղեկավարների գագաթաժողովում հերթական անգամ քննադատել է ԵՄ անդամ երկրներին, գլխավորապես՝ Գերմանիային:

Ըստ T24-ի՝ խոսքն անուղղակիորեն ուղղելով Գերմանիայի կանցլեր Անգելա Մերկելին, ով Խաղաղության Նոբելյան մրցանակի թեկնածու է, Էրդողանն ասել է.«Մինչ օրս ներգաղթյաների համար 8 միլիարդ դոլար ենք ծախսել, ընդունել 2,5 միլիոն մարդու: Այնպես չէ, որ հետաքրքրված եմ Նոբելյան մրցանակով, սակայն այս ամենն ասում եմ, որպեսզի ցույց տամ այս համակարգի՝ ինչ լինելը: Թող Նոբելյան մրցանակը ձեզ լինի»:

Ի դեպ, Թուրքիայի նախագահի խոսքով՝ Նոբելյան մրցանակը տրվում է պատվերով: Նրա կարծիքով՝ Նոբելյան մրցանակն էլ է կապված քաղաքականության հետ: