Օբաման մերժել է Էրդողանին, բայց զրուցել է Սերժ Սարգսյանի հետ. Թուրքիայում հիստերիա է

Թուրքիայի «Ազգային շարժում» կուսակցության նախկին պատգամավոր Լյութֆու Թյուրքանը հայտարարել է, թե ԱՄՆ նախագահ Բարաք Օբաման մերժել է թուրքական կողմի՝ նախագահ Ռեջեփ Թայիփ Էրդողանի հետ հանդիպելու առաջարկը, այդ պատճառով ՄԱԿ-ի Գլխավոր ասամբլեայի նստաշրջանին մասնակցելու համար ԱՄՆ է մեկնել վարչապետ Ահմեդ Դավութօղլուն:

Ըստ Haber.sol-ի՝ Թյուրքանը նշել է, որ Թուրքիայի ԱԳՆ-ը ամեն կերպ փորձել է կազմակերպել Օբամա-Էրդողան հանդիպումը, սակայն Օբաման կտրականապես հրաժարվել է հանդիպել Էրդողանի հետ:

«Որքան էլ այս փաստը Էրդողանի դուրը չեկավ, սակայն նա այլ ելք չուներ, քան փաստն ընդունելը: Դրա համար էլ Դավութօղլուին ուղարկեց: Աշխարհի ղեկավարները խոսում են Սիրիայի ապագայի մասին, ներկա են Իրանն ու Ռուսաստանը, սակայն իր երկրում 2.5 միլիոն փախստական ապաստանող Թուրքիան ներկա չէ»,- ասել է Թյուրքանը:

Հետաքրքիր է` ինչպե՞ս կարձագանքի Թուրքիայի ղեկավարն այն փաստին, որ Օբաման մերժել է իրեն, սակայն կարճ զրույց է ունեցել ՀՀ նախագահ Սերժ Սարգսյանի հետ: